لصداقة سواء عبر الانترنت فقط او حتى بدون انترنت

السلام عليكم



اليوم اني جايبلكم فد موضوع هو نقاش طبعا واني اريد اسمع او اقره آرائكم بي

رح افوت بلموضوع گبل

ليش الناس لمن تعرف عندك بنية تحجي وياها او عندج ولد تحجين وياه يباعون علينا بنضره غير شكل ؟

بينما هي العلاقة بيني وبين البنية او بين البنية ولولد هي مجرد علاقة اخويه صداقة بكل معنى الكلمة
ليش يباوعون عليها بنظره مختلفة يعني
اني رح يخبلني هل شي


مثلا هسه اجيت اني حجيت ويه بنية وطبعا هاي صايرة ويايه هوايه

سوالف سوالف تبدي الاسئلة انت حاب قبل ؟ انت ؟ انت انت انت انت

الى ان نوصل الى مرحلة اللي هي كم بنية تعرف او بلعكس الولد يكلها للبنية انتي تعرفين ولد لو شنو

ف اني جوابي اكول اني اعرف بنات واحجي ويه بنات عادي
ف هي وبكل استغراب طبعا مو كل اصابيعنا سوه بس يعني

بنات !! يعني جمع مو وحده ! ف اني بهيج حالة اطنئر ههه وراسا اسحب نفسي



شكو بيها يعني ؟ شكو بيها اذا تصير عدنا صداقات اخويه وسوالف حلوة وضحك؟

اوكي حتلو احب بنية او بلعكس بس مو معناها هاي خيانة ليش خيانة تعتبر ؟

اذا البنية او الولد ادمي وديحجي بحدود ويه البنية وعلى كد الصداقة

شكو بيها وين الغلط ؟

اكو اشياء مثلا موضوع زهرة الفلوجة

يعني اشياء متنحجي لاي احد
بس للصديق اللي بمعنى الكلمة صديق اي هاي تنحجي

اشكيله يشكيلي واحد همه علثاني واحد يساعد الثاني بهوايه امور

حتى لو ميعرفه ومشايفة قبل بس مجرد بلنت

لانه افكار على افكار واحد حيفيد الثاني

وهيج رح نصير اجتماعيين اكثر

وطبعا هذا الحجي حتى من الاهل

اوكي احنه مجتمع شرقي بس واحد لازم يطور نفسه

يعني الى متى الدنيه تنضرلنه بغير شي

وحتى اهلنا مرات يكومون يحجون والى اخره من الحجي


زين اوكي اني الغلط اللي سويته وينه


لان حجيت وياها او هي حجت وياه شنوه الغلط ؟

المهم اسف طولت عليكم

بس هو هيج موضوع بداخلي وحبيت اطلعه

اتمنى من كل الناس تتفهم بعضها حتى واحد يفيد الثاني

والصداقة تره فد شي حلو كلش حلو مو بس حلو

بس تكون صداقة بمعنى الكلمة

وهوايه اني يكلولي ماكو هيج شي بس انت هيج تسوي

واني متاكد اكو هوايه مثلي اريد اعكس للعالم انه هذا الشي موجود

وصحيح

ومابي اي شي غلط


اسف مره ثانية لانه طولت عليكم واتمنى تسامحوني


اخوكم

توفي المغترب