((*دعوة الى العراقيين*))
ندعي سوه و احنه بهل الشدة ،، ربي كل باب حزن مفتوح رده
و كل تدفق دم يا ربي سده ،، و كافي ياموت سيفك كاعد اتحده
مو صبرنا بصبر ايوب و جده ،، و صبرنه سنين تره وصل حده
مد يا فرح شوي فراشك مده
.شو امكطع خيوطك وجم عكدة و عكدة
آخ شكد جثث بعد تحملين يا سده
و شكد يا فرات شوكك لدجله
حزني جبير و ما واصل حزن كده
واذا في يوم الدمع نكر خده ،، واذا في يوم البحر نكر مده
و اذا في يوم الشتا نكر برده
و الصيف صار الثلج عنده ،، ما انسى العراق و لا انسى شمته
يكلولي بس الموت هذا العراق عنده
اموت بحضن العراق تره ماكو وطن بعده
لا والله ماكو وطن بعده
لا والله ماكو وطن بعده
مع ارق واجمل تحياتي
بغداديه للابد