موضوع حساس وجريء ولكن يجب النقاش به

مساء الخير يارب مسية الخير عليكم جميعا.....
طبعا اعذروني الموضوع شوية حساس بس خلي صدورنا واسعة وخلينا نتناقش بي وبكل صراحة ويمكن بعد طرحي لهذا الموضوع تتغير فكرتكم عني بس اني مجبرة افتح موضوع ساخن لان الى متى نبقى نخفي ونستحي نتكلم بي ونجد الة حل؟؟؟؟؟؟؟؟؟؟؟الموضوع هو العلاقة بين الولد والبنية وخصوصا في بلادنا العربية .........اخوية العزيز ليش دائما من تشوف ابنية وتخليها بدماغك وتكتل روحك عليها وتجيبها للطريق وتقرالها اليتيمة واخر شي تاخذ منها (........ الي تريدة)وتعوفها والابشع انك متعوفها بحالها يعني مثلا اذا هي نستك وكانت مجبرة ان تنساك لان حضرتك عفتها ولبستها وقفلت موبايلاتك المهم يعني البنية ايست منك وسكتت وعاشت حياتها ومرت الايام وازوجت ليش تجي وراها تهددها وتكوللها عندي صورج وعندي تسجيلاتج لو ((.............)) لو ادز الصور لزوجج وافضحج وهكذا وتظل عقدة بحياتها........لو من تشوفها متنطيك مجال تكول هذه شنو شايفة روحها الا اكسر خشمها وتسجللها مكالمة بالتليفون وتظل تهددها بيها ليش ليش مو هي حبتك ليش انت هيج تسوي .......وليش اذا رفضتك ابنية بالجامعة لان تشوفك مثل اخوها او تكون معجبة بغيرك او مرتبطة ليش تكوم تكرها وتطلع عليها اشاعات وتكوم تحجي عليها ........
وليش اذا شفت ابنية جافية خيرها شرها وهدفها الدراسة وبس ومتحجي مع ولد تسميها عقد وتتراهن عليها ليش مو ربك يطلعها بيك ليش ياظالم........وليش من تشوف وحدة ارملة لو مطلقة تعتبرها فرسية وتلهث حتى تلتهمها واطاردها بكل قوتك حتى تفترسها بكل وحشية وتتركها بعد ان تمل منها ........
وليش تجي بدرب لبنية عن طريق النت وعلى اساس صديق واخ ومعجب والخ الخ بعدين تقنعها وتاخذ ايميلها ومن تشوفها متفتحلك كامرة تخترق ايميلها وتاخذ صورها وتستغل ثقتها بيك وتكشف سرها بدون اذنها........وليش من تمشي بالشارع وتصادفك بنية حلوة تصجمها وتذبلها حجي يقشعر البدن منة......
وليش من تخابرك صاحبتك وواكف يمك صديقك تفتح مايك وتسمعة الحجي وتكولة اسمع هذه الحاتة مالتي ........
وليش من تعرف وتتاكد ان البنت تحبك تخونها وتذلها وتخليها على الهامش ..........
وليش البنت بالنسبة الك مجرد جسد مجرد نزوة مجرد تمضية وقت ........اعرف مو كل الولد بهذا الحال واعرف البنات هم عدهم بلاوي بس دائما الرجل هو الي يكون المتحكم بالعلاقة لذلك دائما انت يا ادم تكون ظالم بحق حواء وهي احن الناس عليك ..........لا تظلم ياادم لا تظلم ان الله لبالمرصاد.

لا تعليق

شنو هاي يمعود شنو هل رد الحلو ليش كلفتي نفسج ادرس هو اتجاه معاكس لا تعليق خوماكو شي سالمين نصابه

اعرف انو ماكو شاب بالدنيا ماله تجارب وماكو واحد ما حصل صوره بنيه جانوا ع علاقه ببعض
سواء حب او غيره بس هنا يجي دور الواقع

اذا جان الحب صادق مستحيل الولد يفضح البنيه لو شما صار بس اذا جان تسليه وهنا المصيبه ما يبقى مكان مينقل صورها بيه
والموضوع صار مثل التحدي بين الولد انو صار على علاقه ويه بنيه وعنده صورهه
وحتى البنات وكله شوفت حال

يسلمووو توفي عالنقاش المفيد والحلو

تقبل مروري

شكرااااااااا عل مرور فيكه

هذا الشي راجعلي يا مغترب
اكتب الي اريده

اهاا بس لو ممعلقه هوايه احسن لا تعليق عبالك شفتي خبر بالتلفزيون

اي شفت خبر بل تلفزيون؟

هههههههههههههههه يله يابه يله عيني شكرا عل مرور وعل رد بعد شتريدين

????????????????????????????????????????????????????????????????????????????????????????????????

ادري انتي علمود المديره تفيكين براسنه

اني ما افيك براس احد

اكول شبيج انتي بابا ديله اصلا عد لا انزل وماضيع ولا شارك هل منتدى وعفته وبااااااااااااااي

والله يا عيني ياتوفي الموضوع واضح جدا انه منقووول

يعني اعتبر اني حاطه الموضوع واريد جوابك على كل هذا لان كل الاسئله موجهه للولد

ومن ناحيه تعليقي على هذا الموضوع

اني كلش واكفه ويه هاي البنيه الي كاتبه الموضوع عاشت ايدها ههههههههههه


مع ارق واجمل تحياتي
بغداديه للابد

رأي من رأيي بغدادية للأبد
بعدين شنو اللي صاير بالموضوع ؟؟
كل واحد ورأيه توفي
ماكو مشكلة لو تكولك لا تعليق
يعني دتنتظر باقي المساهمات تشوفها
لان هي معجبها السالفة اللي دتصير
فكالت لاتعليق
شي عادي